இருவருக்கும் இடையே வாக்குவாதம் முற்றிய நிலையில் மல்லிகாபரமசிவமும், விஜயலட்சுமியும் ஒருவரை ஒருவர் தாக்கிக் கொண்டனர். அப்போது அங்கு வந்த அமைச்சர் ராமலிங்கம் அதிர்ச்சி அடைந்தார். இருவரையும் அழைத்து ஒருமணி நேரம் பேச்சுவார்த்தை நடத்தி சமரசம் செய்ய முயன்றார். இதில் சமரசம் ஏற்படவில்லை.
மீண்டும் வெளியே வந்த மேயர், கொடுமுடி பகுதி கட்சி நிர்வாகிகளையும் அவதூறாக பேசி திட்டியுள்ளார். இதைக் கேட்டு அங்கிருந்த கொடுமுடி பகுதி நிர்வாகிகள் ஆத்திரம் அடைந்து மேயரிடம் தட்டிக் கேட்டனர். அப்போதும் வாக்குவாதம் முற்றி இருதரப்பினர் இடையே கைகலப்பு ஏற்படும் சூழ்நிலை உருவானது. அப்போது வெளியே வந்த அமைச்சர் ராமலிங்கம், ‘உங்கள் பிரச்னையை நீங்களே பார்த்துக் கொள்ளுங்கள்’ என்று கோபத்துடன் கூறிவிட்டு காரில் ஏறிச் சென்று விட்டார். இந்த சம்பவம் அப்பகுதியில் பரபரப்பை ஏற்படுத்தியது.
